Tidlegare Sp-leiar utnemnd til heidersmedlem i Noregs Mållag

– Liv Signe Navarsete nådde toppen av norsk politikk utan å gje slepp på nynorsksaka. For nynorsken og målsaka finst det ikkje betre politikartype å ha på sitt lag. Med denne evna til å bite seg fast og aldri gje slepp, sa Peder Lofnes Hauge, leiar i Noreg Mållag, på landsmøtet i helga.

Navarsete har både vore leiar i Senterpartiet, stortingsrepresentant og statsråd. No er ho statsforvaltar i Vestland, eit embete ho forlet til hausten.

– Eg tek med meg, og har med i hjartet, alt du har gjort for oss og målsaka, Liv Signe. Og finn inspirasjon i det pågangsmotet, den gjennomføringskrafta og det engasjementet som du har vist for nynorsken, sa Lofnes Hauge.