Eitt år på Tinget: «Greinalaust» på samferdselsfeltet. Det er som å måke snø!

Eg ba om unnskyldning for ACER

Eg starta på Stortinget som fraksjonsleiar for energi og miljø. Eg meiner vi har sett partiet skikkeleg på sakskartet.

Vi har fremma forslag om makspris på 50 øre på straum, stoppe straumeksporten til utlandet.

Eg ba også det norske folk om unnskyldning for at vi aldri skulle bygd desse kablane, ei heller meldt oss inn i ACER. Dette vart svært godt mottatt. Det er viktig for oss politikarar å kunne be om unnskyldning.

Dessverre fekk eg ikkje vere i den komiteen så lenge. No er eg i Transport- og kommunikasjonskomiteen som fraksjonsleiar og som 1. nestleiar. Dette er eit fagfelt eg har arbeidd svært mykje med i fylkes- og kommunepolitikken i meir enn 20 år. Men her blir det som å «måke snø»! 

Eg ba også det norske folk om unnskyldning for at vi aldri skulle bygd desse kablane, ei heller meldt oss inn i ACER. Dette vart svært godt mottatt. Det er viktig for oss politikarar å kunne be om unnskyldning.

Frank Sve
Stortingsrepresentant (Frp)

Fleirtalet med Sp, Ap og SV stemmer ned absolutt alt frå opposisjonen, og vil ikkje bygge veg. 

Samferdselsområdet har blitt det største kuttområdet i regjeringa og statsbudsjettet, så dette her er berre «greinalaust».

«Greinalaust» ja, det er eit sunnmørsk kraftuttrykk for noko som er aldeles håplaust.

Det å være seg sjølv, bruke dialekt og spesielle uttrykk gjer at ein både blir lagt merke til og at ei har eit særpreg. 

Dette opplever eg både folk flest og veljarane setter stor pris på, sågar har uttrykket blitt brukt i leiarar i større riksaviser, slik som til dømes i Dagbladet.

Ellers er eg nok svært frittalande, noko eg sjølvsagt skal fortsette med framover. Det er sjølvsagt nokre «sarte sjeler» som verken vil forstå eller som er mest oppteken av kritikk. Dette lever eg med, og eg skal love at eg aldri skal bli som «alle andre», men være meg sjølv.

Einsamt stortingsliv

Så, starten på Stortinget har gått flott. Vi prøver å kome på med vår politikk i heile landet, små som store saker. Ofte er dei minste sakene viktigast for veljarane.

Ellers er Stortingslivet svært så einsamt, og ein blir stort sett verande aleine både her og der, både på fritida, men også på dagtid. Det er mykje tid på kontoret, og på kvelden blir det å lage seg litt mat i leilegheita og sjå litt TV.

Stortinget er ikkje ein stad for å ha det kjekt, å ha det kjekt på jobb er noko som eg meiner er avgjerande både i næringslivet, men også i andre politiske verv og nivå. 

Slik er ikkje Stortinget lagt opp, klappjakten frå media på Stortingsrepresentanter i absolutt alt vi driver med, øydelegg svært mykje.

Det har nesten blitt eit skjellsord å være i nasjonalforsamlinga, i hvert fall ikkje noko som ein skryt av.

Då blir ein i sosiale medier tatt tvert på det meste, og det er fornøyeleg når eg må dokumentere behovet for pendlarbustad, med mine 1092 kilomenter i pendlaravstand. 

Mange lengtar etter ny regjering

Media lever eg godt med etter min lange erfaring frå både privat næringsliv, sjølvstendig næringsdrivende, ordførar og den som til no har sete lengst i fylkestinget på Møre.

Det er godt å komme seg ut og treffe veljarar og bedrifter rundt omkring, dette er viktig for å holde motivasjonen oppe.

Å treffe veljarane er det viktigaste. Derfor reiser eg mykje i eige fylke, og vi skal også reise mykje elles i landet framover.

Målet mitt no er å legge grunnlag for ei ny borgarleg regjering om vel 2,5 år. Eg trur svært mange lengtar etter dette i all «greinaløysa» som landet opplever no.